Padayon sa karon ang post qualification evaluation sang lone bidder para sa bulk water project sang Negros Occidental.
Ang consortium sang First Balfour Inc., Victorias Milling Company kag FPIP Utilities Inc amo ang lone bidder sa 1.2 billion bulk water project sang Negros Occidental.
Suno kay Negros Occidental Governor Eugenio Jose Lacson, matapos ang assessment kag kun qualified magasunod ang negotiation bahin sa pricing cost sang tubig nga ila nga iga produce.
Ginsiling sang gobernador mahimo nga matuman ini sa una nga quarter sini nga tuig.
Nalakip sa bulk water project ang financing, engineering design, construction, operation kag maintenance sang bulk water supply system nga iga source gikan ayhan sa Imbang River ukon sa Malogo River.
Gina paabot nga maga supply ini sang treated bulk water sa anum ka mga service provider sa Silay, Talisay, Victorias, Bacolod, Manapla kag EB Magalona.