Ginpangsulod sa drum sang tubig ang mga palupok. Ginpalapakan naman sa firetruck ang mga boga.
Ini ang ginhimo sang Bacolod City Police Office sa ila napangkumpiskar nga palupok kag pyrotechnic devices kaina sang aga.
Gikan ini sa mga illegal vendors sang nagligad nga Disyembre.
Suno kay BCPO Director P/Col. Joeresty Coronica, ang mga vendors nga naga baligya sini wala nagasunod sa nga City Ordinances kag mga polisiya sang gobyerno national angut sa pagbaligya sang palupok.
135 tanan ka mga boga ang ila nakumpiskar kag kalabanan diri nakuha sa mga kabataan.
3,972 naman ka mga firecrackers nga nagabalor sa masobra P30,000 ang nakuha sang mga kapulisan.
Ini ang pamaagi sang PNP para ipakita sa publiko nga wala gina recycle ang nakumpiskar nga palupok.