Aprobado na sang konseho sang Bacolod ang dugang nga P50M para sa MassKara Coliseum nga gin-redesign para mangin venue sa mga dalagko nga sports events kag convention center.
Ginpahayag ni Mayor Albee Benitez nga ang dugang nga pondo ang maga-gikan sa savings sang siudad sa idalom sang development fund. Indi ini magahalin sa loan agreement. Kabahin sang disenyo ang operable wall partitions, movable kag retractable bleachers kag elevator.
Ang coliseum sarang maka-accommodate sang kapin 12,000 ka mga indibidwal. May kapin sa P800M ang una nga gintalana ngapondo para sa proyekto nga gikan sa ginhulam nga kwarta sang siudad sa Development Bank of the Philippines.