Bacolod Bulk Water Incorporated nangayo pasaylo natungod sang pipe breakage nga nagresulta sa pagbaha sa Brgy. Mansilingan sa Bacolod.
Nagatagiti ang init sang gulpi lang ginbaha ang pila ka mga balay sa Hermilinda Homes Subdivision sa Barangay Mansilingan sa Bacolod sang Sabado. Nag-gwa nga nabuka ang pipeline sang Bacolod Bulk Water Incoporated kabangdanan nga nag-awas ang tubig pakadto sa mga balay.
Naglab-ot pa ang danaw sa dalan. Ginpaathag sang tagdumalahan sang BBWI nga nagaserbe water supplier sang Baciwa-Primewater nga nagapatigayon sila sang disinfection kag chlorination sang matabo ang insidente. Gilayon nga nangayo sang pasaylo ang BBWI kag nagpasalig nga bayaran ang damages nga natuga sa nagluntad nga pagbaha sa mga pamalay. Natigayon na nga nakaayo ang naguba nga pipeline. Gindayaw ni Mayor Albee Benitez ang ila madasig nga pag-akto sa insidente.