Nasapwan na lamang nga patay ang isa ka 19 anyos nga bangud sa gina alegar pag panungay sang karabaw sa Sitio Sapa, Hacienda Casal-agan Dako, Brgy. DSB banwa sang Pontevedra sang Domingo.
Suno sa kay Police Captain Darryl Kuhutan ang hepe Pontevedra PNP, Sabado sang hapon nagpadulong ang biktima nga ginkilala kay alias Renz, sa lugar sang insidente agud nga magpakaon sang karabaw apang natingala ang iya nga himata nga wala na siya nakapauli.
Dugang pa ni Kuhutan, ginpangita ini sang iya nga pamilya kag nakita ang iya nga lawas nga may mga pilas sa nagkalain-lain nga bahin. Gindala pa siya sa ospital apang gindeklarar nga dead on arrival. May nakita nga isa ka karabaw nga ara man sa lugar kag ini ang may mga dugo kag wala na nakahigot.
Lain ang naga panag-iya sang amo nga karabaw.
Suno sa PNP maga sugilanon ang pamilya sang napatay kag tag-iya sang karabaw angut sa natabo.