Shadow

P4.3M nga balor sang shabu para kun tani sa MassKara Festival na recover sa buybust operation sa Bacolod

BCPO photo

Masrobra tunga sa kilo sang suspected shabu ang na recover kagab-i sa buybust operation sang Police Station 8 sa Purok Masinadyahon sa Barangay Pahanocoy sa Bacolod City.

Dakop sa buybust ang ang subject nga si Ahzer Villarosa, 36 anyos. Ginabulubanta nagabalor sang 4,380,000 pesos ang nakuha nga iligal nga droga kay Villarosa.

Suno kay Police Majo Joery Puerto, hepe sang Police Station 8, si Villarosa ang isa pa sang ginadagdagan sang iligal nga droga ni Alex Soberano nga nasapwan patay sa Barangay Vista Alegre sang Hulyo 31.

Ginpahayag man ni Puerto nga ang shabu nga na kuha kay Villarosa ang panigana na kun tani para sa Masskara Festival sa Oktubre bangud sa ginapaabot nga mataas nga demand sang droga sa amo nga selebrasyon.

Detained si Villarosa kag kaso nga paglapas sa RA 9165 ang iya atubangon.

Secured By miniOrangeSecured By miniOrange