₱30,000 nga reward money ang gina tanyag ni Mayor Albee Benitez sa makatudlo sa isa sa mga suspetsado nga nagtiro sa mag-asawa sa Ramylu Drive, Barangay Tangub sa Bacolod sang Enero 2024.
Napatay ang mister nga si Danilo Importante sa amo nga pagpaniro samtang pilason naman ang iya misis nga si Cindy.
Ginkilala ang mga suspetsado nga sanday Juvanie Pelenio kag Jonald Sampilo, nga pareho residente sang Brgy. Guiljungan, banwa sang Cauayan.
Suno kay Bacolod City Police Office Director Police Colonel Joeresty Coronica, nagtanyag ang alkalde sang reward para mapadasig ang pag aresto sa suspetsado nga si Sampilo nga nagapabilin nga at large.
Una na nga na naaresto sang Mayo 2024 ang iya kaupod nga si Pelenio.
Suno kay Coronica, sa mga may ihibalo kun diin si Sampilo mahimo magpakig-angut lang sa PNP.