521 ka mga solo parents nagbaton sang tig-P12,000 nga cash subsidy sa Bacolod.
Ginsuguran na sang Bacolod LGU paagi sa Department of Social Services and Development ang nahauna nga pagpanagtag sang tig-P12,000 nga cash subsidy para sa mga solo parent beneficiaries.
Target kuntani sang DSSD ang malapit 1,500 nga benepisyaryo sang ayuda.
Pero suno kay Councilor Celia Flor, pamuno sang Women, Gender, Family and Child Care Committee sang konseho nga pila sa mga aplikante ang na-disqualify kag ang iban wala maka-follow up sang mga ginkinahanglan nga requirements sang ahensya.
Sini nga tuig magapadayon ang validation sang DSSD sa iban pa nga mga solo parent applicant sa mga barangay sa siudad.
Ang cash subsidy ang kabahin sang pagsulundan sang Expanded Solo Parents Welfare Act.