Nagdangat na sa P280.8 million ang balor sang pinansyal nga bulig nga na-release sang Department of Social Welfare and Development para sa mga mangunguma nga apektado sang RSSI ang katubuhan.
Sa report sang Agosto 28, may 27,304 ka mga farmer beneficiaries ang nakabaton sang bulig sa idalom sang emergency cash transfer.
Ang bulig pinansyal tuyo nga maka tabang sa ila sa tunga sang kapierdehan nila tuga sang pag pang atake sang peste.
Ang mga farmer beneficiaries sa Negros Occidental nahatagan sang P229,153,050. May 22,194 ka mga farmer beneficiaries gikan sa 14 tanan ka mga banwa kag siudad ang nakabaton.
Sa Negros Oriental naman, P51,738,750 ang na-release nga pondo para sa 5,110 ka mga farmer beneficiaries.
Ang ECT rollout kabahin sang bulig sang national government upod ang Sugar Regulatory Administration kag Local Government Units para mapangapinan ang mga mangunguma.
[sibwp_form id=1]