Ginapaandaman sang Land Transportation Office Negros Island Region ang publiko batuk sa mga kaangay sini nga mga mensahe nga nagakabaton sang pila ka mga residente.
Sandig sa amo nga mensahe, may mga unsolved nga traffic violations ang isa ka motorista kag kinahanglan nga tum-okon ang link nga nakaapid diri agud makit-an kun ano ini nga violation.
Apang, suno sa LTO, ang amo nga mensahe ang wala naghalin sa ila kag nagpaandam man ini sa publiko nga indi pag tum-okon ang link bangud posibli ini nga magkuha sang personal information sang motorista.
Kun matum-okan ang link, magadiretso ini sa mga payment channels nga magasukot sa motorista sa gina-alegar nga violation sini.
Ginkabig ini sang LTO bilang scam message kag ginahaylo ang mga motorista nga likawan ang paghatag sang ila mga impormasyon sa mga suspicious websites.
Gina abisohan man sang LTO ang mga motorista nga i-verify ang mga mensahe nga gakabatunan kag mag transakyon lamang sa lehitimo nga mga channels sang ahensya.
[sibwp_form id=1]