Igaserbe kuntani sang Moises Padilla Police Station ang search warrant may angut sa illegal possession of firearms batok sa isa ka lalaki sang siya ang gin alegar nagbato sa mga police intelligence operatives sa Sitio Tuko, Barangay Inolingan sa banwa sang Moises Padilla, Domingo sang kaagahon.
Napatay ang subject nga ginkilala kay alyas “Rey”, 43-anyos.
Suno sa pulis, nagtinguha nga malagyo ang subject samtang ginatiro ang nagapalapit nga mga pulis.
Ginsiling ni Police Major Ryan Villasario, hepe sang Moises Padilla PNP nga bangud sang “imminent danger” nagbalos palupok ang mga operatiba, kag naigo ang subject.
Suno sa hepe, madamo na sang mga tawo nga naga-reklamo batok sa subject bangod masami ini nga nagapalupok sang pusil sa lugar.
Sang tinalikdan nga bulan, suno kay Villasario, ila gin buy-bust ang lalaki apang nakapalagyo.
Na-recover sang Scene of the Crime Operatives ang isa ka caliber 12-gauge shotgun, isa ka caliber .45 Colt pistol kag isa ka bala.
“Pag-implement naton nagbato ni siya sa aton mga personnel inspite nga ginahimo na naton tanan nga i-subdue naton siya but still continually firing sa aton mga personnel that’s why may exchange of fire. Wala mahimo ang aton mga personnel is to defend themselves sang imminent danger nga na ano naton”, suno kay Villasario.
[sibwp_form id=1]