Proposed bridge sang Moises Padilla nga maga serbe nga ila alagyan enkaso nga may kalamidad nga mag igo sa banwa ang gin bisita sang team gikan sa NDRRMC upod ang OCD bilang kabahin sang validation kag evaluation.
Suno kay Moises Padilla Mayor Ella Garcia Yulo, ang pag patukod sang 250 million pesos nga balor sang taytay pakadto sa Inolingan ang kabahin sang ila nga contingency plan labi na kun may disaster nga matabo sa banwa.
Ini ang naga lakip sang threat gikan sa bulkan Kanlaon ang ang pag baha.
Sa ila nga proposed project sa idalom sang Kanlaon Recovery and Development Plan, nagalaba sang 80 meters ang taytay ilakip ang footing maga dangat ini sa 125 meters.
Ini ang maga serbe nga exit sang mga poblacion barangays nga naga lakip sang Barangay 1 to 7, Magallon Cadre kag bahi sang Odiong, kun may paglupok sang bulkan ukon pag baha man.
Mga 30,000 ka pumuluyo ang yara diri.
Sa karon ang naga pabilin nga alagyan lamang amo ang hanging steel bridge nga sang tiempo pa ni anay Congressman Ignacio Arroyo natigayon.
Indi na lubos nga maka sarang ini enkaso nga may matabo.
Gina paabot nga matigayon ang proyekto suno kay Garcia-Yulo sa 2027.
May proposed 50 million pesos project man para sa pagtukod sang spillway kag hanging bridge nga maga taytay sang Purok Paho kag Hacienda Pucatod sa Odiong.*