Isa ka patay nga Butanding ukon Whale Shark ang nasapwan sa baybayon nga sakup sang Barangay Pasil sa banwa sang E.B. Magalona.
Ginsiling ni kapitan Sharen Patoc-Belen sang Brgy. Pasil, na-trap sa punot ang nasambit nga Butanding kag patay na sang makit-an sang caretaker.
Ginguyod sang duha ka pumpboat ang nasambit nga Butanding halin sa lawod pakadto sa higad sang suba, kun diin ginpakutkotan sa backhoe kag ginlubong.
Ang Butanding ang may kalaba-on nga 22 ka tapak kag kalaparon nga 7 ka tapak.
Suno sa kapitan, nagpabalo na sila sa Municipal Environment and Natural Resources, sa Bureau of Fisheries and Aquatic Resources, kag nagtawag man sila sa local government sang EB Magalona.
Masami nga may nagapakita nga Butanding sa lugar, suno sa kapitan, apang ang iya panugyan sa mga taga baybay amo nga kun makita nila nga buhi, ibalik lang sa dagat. Apang ini nga ugada, patay na ang Butanding sang ini ang makit-an.*