Sini nga semana naka schedule sa Talisay City ang pag pagbaligya sang 20 pesos kada kilo nga bugas paagi sa federation sang mga irrigators association.
Ini suno kay Negros Occidental Governor Eugenio Jose Lacson matapos ang damlag pa pag baligya sang barato nga bugas sang bulan sang Hunyo sa Pulupandan.
Suno kay Lacson, 500 ka mga pumuluyo sa tig lima ka kilo nga bugas ang maximum nga mabakal ang paga serbehan sang Federation of Irrigators Association of Central Negros-Bago River Irrigation System.
Suno kay Pedro Limpangog ang presidente sang grupo tentative nga naka schedule ini sa Biyernes.
Mga katapo sang vulnerable sector, kaangay sang mga senior citizen, mga single parent, mga persons with disablity ang maka avail sang barato nga bugas.
Ang FIACN-BRIS ang mismo naga baligya sang bugas kag gina buligan sila sang probinsya paagi sa labor kag iban nga logistics.
Suno sa gobernador, handa naman ang probinsya para sa 20 pesos kada kilo nga bugas kaupod ang Department of Agriculture kag National Food Auhority pero ini ang padayon pa nga gina plastar.
