14.5 million pesos nga balor sang mga backpack sprayer, lakip na protective equipment ang gin panagtag sa mga Agrarian Reform beneficiaries sa mga block farms.
Suno kay Dave Sanson, board member sang Sugar Regulatory administration, may kaugalingon ini nga machine nga gasoline powered.
Ang libre nga beneficial micro-organism nga daw foliar fertilizer gikan sa SRA nga maka bulig sa mga mangunguma labi na sa tunga sang kamahal sang abono karon ang pwede nga magamit diri.
Dugang pa niya, pwede man magamit ang sprayer sa RSSI infestation, labi na nga mas daku ang pressure sang amo nga sprayer.
229 ka sprayer ang gin panagtag sa 193 ka mga bloc farms sa Visayas. Tig P64,000 ang bili sang kada sprayer.
Suno kay Sanson may reported sa gihapon nga pag panghalit sang RSSI sa mga 1,080 ka ektariya sa probinsya, sa Capiz, Iloilo kag Bais City.
Para kay Sanson maka alarma ini labi na nga may El Niño pa. Pero ang epekto sini sa tubo karon indi na kasubong pa sang nag liligad.
Suno kay Administrator Pablo Luis Azcona, luyag nila nga mabuligan ang mga mangunguma kontra sa RSSI nga nag panubo sa production sa 40 to 50 percent. Ang yield manubo man.*
[sibwp_form id=1]