Ginsiling ni Bacolod City Mayor Greg Gasataya nga halos nahuman na ang Senior Citizen Center sang siudad kag ginapaabot nga magabukas ini sa katapusan sang Mayo.
Ang pagtukod sang ini nga center ang pinakauna nga executive order nga ginmando ni Gasataya sang nagapungko na siya bilang alkalde sang siudad.
Nahamtang ang ini nga center sa Annex Building sang Bacolod City Government Center.
Suno sa alkalde, nagpakig-angut na ang siudad sa mga posible nga providers sang libre nga check up kag bulong sa amo nga pasilidad nga sarang makabulig sa mga senior citizens.
Diri man ibutang ang bag-o nga opisina sang Office of Senior Citizens Association, kag butangan man ini sang personnel gikan sa City Health Office, DSSD, kag City Cooperative and Livelihood Development Office agud magtatap sa mga kinahanglanon sang mga tigulang.*
[sibwp_form id=1]