Duha ka persona ang arestado sa buybust operation kag isa ang nakapalagyo.
Lunsay street level individual ang mga naaresto nga sanday Radney Pidol kag Raphy Pradilla sa buybust operation sang Regional Drug Enforcement Unit kag Bago PNP sa Barangay Lag-asan sa Bago City pasado las dos sang kahapon.
Kapin duha ka kilo nga shabu ang nakuha sa ila nga gina bulubanta naga balor sang P13,600,000.
Ini ang inug repack pa kun tani sang mga suspek suno sa kay Police Lt. Col. Joem Malong nga spokesperson sang Police Regional Office 6.
Dugang pa ni Malong ang duha ka suspetsado ang gina alegar runner sang isa ka drug group nga naga operate sa Negros Occidental.
Ang ila upod nga nag serbe bilang look out ang nakapalgyo sang gin patigayon ang buybust.
Detained sa Bago PNP ang duha ka suspek kag kaso nga pag lapas sa RA 9165 ang ipasaka batuk sa ila.