Shadow

Birthday boy nga gina alegar kabahin sang robbery group patay sa pagpaniro

BCPO photo

Ang masadya kun tani nga gab-i bangud sang doble nga selebrasyon ang nangin maduguon matapos ginluthang ang birthday celebrant nga si Jose Estaniel sang kagab-i sa Purok Saturn sa Barangay Handumanan.

Si Estaniel nga nag saulog sang iya ika 55 nga kaadlawan, kadungan sang bunyag sang iya nga anak ang naga pungko lang sa gwa sang ila balay kun sa diin naplastar ang handa upod sang tatlo ka persona sang siya ang gintiro sang wala pa makilala nga mga suspetsado.

Suno kay Police Major Armilyn Vargas, hepe sang Police Station 10, naga talikod ang biktima samtang nagapungko sang gilayon lang sita nga pag tiro sang tatlo ka persona nga naglabay sa eskinita kun sa diin naga plastar sanday Estaniel.

Dugang pa ni Vargas, ginlagas sang mga himata sang biktima ang mga suspek ugaling nagpalupok sang armas ang mga suspetsado gani wala sila maabtan.

Apat ka kabasiyo kag apat ka slug sang wala pa nahibaluan nga armas ang nakuha sa crime scene.

Suno kay Vargas may naga gwa nga impormasyon nga kuno miyembro sang Epogon Robbery Group si Estaniel pero ila pa ini nga kumpirmahon suno kay Vargas bangud sa wala man sang record sa Police Station 10 ang biktima.

Secured By miniOrangeSecured By miniOrange