Nakumpiskar sang kapulisan ang masobra P11.1M nga balor sang smuggled cigarettes sa operation nga ginpatigayon sang otoridad sa Barangay Talaban, Himamaylan City.
Nagpatigayon sang joint operation ang Regional Maritime Unit–Negros Island Region kag Himamaylan City Police Station matapos mamutikan ang duha ka persona nga may karga nga mga karton sang ginasuspetsuhan smuggled nga sigarilyo sa puti nga FUSO panel truck.
Sang gin-inspeksyon, napaslawan ang 42-anyos nga driver kag ang 39-anyos nga helper nga magpakita sang dokumento gikan sa Bureau of Customs nga nagapamatuod nga legal ang mga sigarilyo kag nakabayad sang insakto nga tax.
Narekober ang 190 ka karton ukon 9,500 ka reams sang sigarilyo.
Taga-Zamboanga City kag Jolo, Sulu ang duha ka gindakup nga mga lalaki. Sila ang naga pangatubang sang kaso angut sa pagsupak sang Customs Modernization and Tariff Act kag Graphic Health Warnings on Tobacco Products Act of 2014.