Mabudlay pero mahimo mangin sabat.
Ini ang panan-aw ni Negros Occidental Governor Eugenio Jose Lacson sa gin-propose ni Senador Alan Peter Cayetano nga mag-resign ang mga opisyales nga naga pungko karon humalin sa presidente padulong sa mga congressman sa tunga sang pagkadula sang salig sang pumuluyo, kag mag patigayon sang snap election.
Sa post sa Facebook sini lamang nga udto gina klaro ni Senator Cayetano nga wala sang tuyo iya nga National Reset ukon Clean Slate proposal sa pag pa resign sa kun sin-o man – ayhan sa pag hambal sa President, sa Vice President, sa mga Senador kag sa mga Congressmen and women sa pag resign. Sa proposal, sa ila nga pag resign suno kay Cayetano ipatuman ang snap election.
Ang sa iya lamang amo nga sa kadamuon sang may kahilabtanan kag nag benepisyo kasubong man nangin accessory sa iskandalo sang corruption karon naga kinahanglan sang gilayon kag decisive nga aksyon.
Kun bala ini ang matigayon ukon workable, depende na ini sa mga opisyales nga gin pang sambit ni Cayetano suno sa kay Governor Lacson.
Nag kuha man sang nagkalain-lain nga reaksyon ang amo nga proposal nga Cayetano gikan sa lain-lain nga sektor.