Nagahigda, duguon kag wala na nagahulag ang 40-anyos nga lalaki sang mag-abot ang kapulisan sa Purok Riverside, Barangay Robles sa banwa sang La Castellana, Domingo sang aga.
Base sa imbestigasyon sang kapulisan, updanay man lang inom ang biktima nga si alyas “Jordan” kag ang suspek nga si alyas “Argie”, apang bangud sang kahulugbon, sila ang naglalisay.
Samtang naga-away, ginpahog ni “Jordan” ang bata ni “Argie”, rason nga nangakig ang suspek, nagkuha sang patalom kag ginlabo sang makapila ka beses ang biktima.
Nadakup ang suspek sa ginpatigayon nga hot-pursuit operation kag ginahanda sang kapulisan ang kaso nga homicide batok sa iya.