Naaresto ang ginakabig nga high ranking official sang dismantled New People’s Army, North Negros Front sa Barangay Bandila, banwa sang Toboso, sang Sabado.
Suno kay 1st Lt. Dan Carlo Samosa, Civil Military Operations Officer sang 79th Infantry Battalion, ang nadakpan ginkilala kay alyas “Ka Pinky”, nga ginakabig nga high ranking official sang NPA Regional Committee kag kaalyado ni Roger Fabillar, alyas Arnel Tapang kag “Ka Jong”.
Dugang pa ni Samosa, si “Ka Pinky” ang isa sa pito ka mga gina alegar remnants sang NPA NNF nga ginalagas sang mga miembro sang 79th IB matapos ang enkwentro sa Sitio Tauma, Brgy. Bandila, banwa sang Toboso, sang Disyembre 13.
Ginpahayag man ni Somosa nga paagi sa mga kapulisan, tigayon nga ginserbe kay “Ka Pinky” ang warrant of arrest sa kaso nga murder.
Narekober sang mga militar ang high powered firearms kag mga war materials matapos ang engkwentro sang Biernes sang hapon.
Suno kay Samosa, matapos ang 12 ka minutos nga encounter, narekober sang mga militar ang isa ka M16 assault rifle, isa ka .38 caliber revolver, isa ka short magazine sang AK47 duha ka magazines sang caliber .45 kag mga bala.