Sa isa sa mga carenderia sa sulod sang Central Market nagsugod ang sunog nga naka-apekto sa 42 tanan ka mga stalls sang Biyernes.
Ginsiling ni BFP Regional Intelligence and Investigation Chief, Fire Chief Inspector Erwin Gimotea nga electrical in nature ang mahimo ginhalinan sang kalayo.
Namutikan sang BFP nga madamo man sa mga stalls ang naga-tap sa mga linya sang kuryente nga amo ang masami ginahalinan sang sunog.
Si Mayor Albee Benitez nagmando na sa katapo sang natungdan nga city department nga magpatigayon sang audit kag inspection sa tatlo ka mga dalagko nga merkado agud nga mapatuman ang mga tikang para mapaiway
ang posible liwat nga pagluntad sang sunog.
Sa record sang BFP, ginabulubanta masobra sa P4 milyones ang halit nga natuga sang sunog.