Siudad sang Bacolod ang nagpagwa sang online registration para sa mga luyag magpabakuna sa tion nga mag abot na ang COVID-19 vaccine.
Ang mga luyag magpabakuna ang may yara lang sang humanon nga online application form kun sa diin kinahanglan nila nga ihatag ang pila ka mga personal data nga kinahanglanon sang Bacolod Emergency Operation Center sa pag asses kun bala eligible ang aplikante nga mabakunahan base sa ila medical history.
May alternatibo man nga pamaagi sa pagpa rehistro para sa bakuna.
Ini ang pagpakig angut sa ila tagsa ka mga barangay ukon employers nga amo na ang magaparehistro sa ila online.
Nalakip man sa mga ginapangayo sa mga luyag magpabakuna amo ang ila consent ukon pahanugot bangud indi mandatory ang pagpabakuna.
Ang mga eligible nga mabakunahan ang pagatawgan kag hatagan sang ila schedule sa pagbakuna.
Nagapasalig man ang Bacolod EOC nga nagasunod ini sa Data Privacy Act nga nagapasiguro nga magapabilin nga pribado ang personal data sang mga aplikante.