Shadow

Negros Occidental naga panghanda na para sa pagbakuna kontra COVID-19

Banwa sang Candoni ang napilian para sa simulation nga patigayunon sang probinsya aangut sa natalana nga pag pang bakuna para sa COVID-19.

Suno kay Atty. Rayfrando Diaz ang provincial administrator, malayo kag suludlon ang banwa kag wala labot diri wala pa gid sang storage capacity.

Luyag sang probinsya nga mapat-od ang tanan nga detalye kag kinahanglanon para sa pagpatuman sang COVID-19 vaccine.

Sa karon naga comply na ang mga local government units para sa online registration sang mga health frontliners sini nga amo ang unahon sa natalana nga pag pang bakuna.

Gina pa sumiti ang mga banwa kag siudad suno kay diaz sang masterlist kag ang mga local health officers naman sang ila tagsa ka accomplishment report. humalin sa mga persona nga dapat mabakunahaan, padulong sa mga vaccinator, ang lugar kun sa diin patigayunon hasta sa pag transpor sang bakuna kag ang storage sini ang dapat nga ma plastar na.

Samtang gina abi abi naman ni Diaz ang pagtugot sang presidente sang pagbayad sang para sa gin advance purchase nga bakuna.

15 percent lamang kuntani sang gin advance purchase ang pwede nga ma release sang tagsa ka LGU.

Suno kay Diaz ang private sector ang damlag pa nag pabutyag sang bulig sini sa kuntani kulang nga kantidad sa kinahanglan nga balayran kun wala natigayon ang pagpasar sang amo nga memorandom order sang presidente.

Secured By miniOrangeSecured By miniOrange