Tubtob sa karon padayon ang pag pangita sang dugang nga mga evacuation center nga sarang magamit enkaso magsaka sa Alert Level 4 ang bulkan Kanlaon.
Suno kay Office of the Civil Defense Regional Director Donato Sermeno, III, ila sa karon nga gina pa pat-od sa mga local government units kun pila gid ang kapasidad sang mga evacuation center nga ila na identify.
Ini para man ila mahibaluan kun pila pa gid ang kulang. Sa ila nga pag hinun-anon sa mga LGU nga apektado sini lamang, mga 90 porsiento sa mga iga evacuate sa idalom sang alert level 4 ang maga derecho sa mga evacuation center ukon wala na sang may ma teneran nga iban pa.
Sa Himamaylan City magluwas sa tent city may proposal man sang isa pa gid ka tent city nga tukuron pero ini ang gina work out pa suno kay Sermeno.
Ang Silay City, San Carlos City, Bago City, Pontevedra ang nalakip sa mga lugar nga gina paabot maga baton sang apektado sa bulkan Kanlaon.
Samtang, nag-abot na ang 700 ka sako sang bugas nga gikan sa pondo sang OCD para sa mga apektado nga LGU. Suno kay Sermeno ini ang ila na nga na deliver sa La Carlota, La Castellana, Canlaon.
“May mga LGUs nga naga offer, example sa Silay, San Carlos, ang gin pang deliveran sang tents. Amo na ang possible naton nga paubrahan. Additional evacuation sites. So Bago City may mga 100 kita ginpadala didto. Pontevedra. (gina determine pa up until now)”, suno kay Sermeno.