Formal charges ginpasaka batuk sa DRRMO staff may angut sa pagpalapaw sang produkto petrolyo.
Ginserbe na sang City Legal Office ang administrative case batuk sa babaye nga regular employee sang Bacolod DRRMO nga ginatudlo responsable sa pagpalapaw sang supply sang produkto petrolyo.
Ginpahayag ni Secretary to the Mayor Jose Marty Go may yara sang nakita nga grounds ang CLO para mapasaka ang kaso nga dishonesty, grave misconduct kag conduct prejudicial to the best interest of the service batuk sa empleyada.
Nag-gwa sa imbestigasyon sang CLO nga halos may napulo ka beses nga nag padeliver sang gatung ang regular employee sa iya balay.
Mismo ang mga staff nga amo man ang nagadul-ong sang supply sang gatung sa iya kag sa balay sang iya utod ang nanugid angut sa amo nga modus.