Dala sang maatas nga heat index, may masobra sa 381 thousand ka mga learners sa Negros Occidental ang apektado sang pag suspend sang klase kag tigaylo nag shift sa alternative mode of learning.
Suno kay Hernani Escullar ang spokesperson sang Department of Education Western Visayas, may 458 ka mga eskwelhan sa bilog nga probinsya sang Marso 3 tubtob 7 ang nag suspend sang face to face learning kag nag shift sa self learning module, 93 naman ang nag hybird ukon nag-online kag nag self learning mode kag 101 naman ang nag shift sa dynamic learning program ukon nag-online man kag nag module santo sa kinahanglanon sang estudyante.
Nalakip na diri ang mga eskwelahan sa Bacolod, Himamaylan, Kabankalan, Negros Occidental kag Silay Division. Wala pa man sila sang may nabaton nga report nga nag masakit nga estudyante may kaangtanan sa kainiton sang panahon.
Subong nga hapon yara sa 36 degrees celsius ang heat index sa Negros Occidental sa datus sang La Granja Agromet Station.
Samtang, sa April 14 kag 15 na ang end of school year rites kag April 16 na maga sugod sang school break. Wala pa sang bag-o nga school calender para sa 2025-2026. Pero base sa DepEd Order 9 series of 2024, June 16 natalana ang pag bukas sang klase pero klaro ni Escullar sarang pa ini mag bag-o.
“Nag affect lang ini siya sa amo ni nga number of learners naton. May ara iban nga ang LGU nag declare lang for a day or two, balik naman sila dayon. Ina sila part na sila sang affected during the week. But it doesn’t mean nga entire week ining 381,000 naka ADM, but rather portion lang sina. Ang data nga gina relay ko subong sa inyo based ina siya sa extreme heat index naton and suspension sang in-person class based sa guidance sang local chief executives”, suno kay Escullar.