Luyag sang Office of the Civil Defense Western Visayas head kasubong man pamuno sang Task Force Kanlaon, nga kun mahimo, imbes nga papaulion ang mga evacuees nga wala nasakop sang 6 kilometer extended danger zone, sa tent cities na lamang sila maga tenir.
Sa pag sinapol sang mga alkalde kag tiglawas sang siudad sang Bago kag La Castellana kay Negros Occidental Governor Eugenio Jose Lacson sang Martes, ginkasugtan nila nga maga decamp na ang mga yadtong sagwa sang 6 km danger zone.
As of press time ginsiling ni Mayor Rhummyla Mangilimutan nga unahon niya papauli ang yadtong apektado nga gikan sa Brgy Sag-ang.
Sa Bago City suno kay Dr Merijene Ortizo ang pamuno sang DRRMO, tigayon na nga nakapauli ang mga 128 families ukon 461 ka individuals nga naga puyo sa lugar nga indi sakop sang 6 km danger zone kaina.
Ginsiling ni Raul Fernandez sa press conference nga ang desisyon sa pag papauli sa mga evacuees yara na sa mga LGU pero kun siya ang mag buot mas maayo nga sa tent cities kaangay sa Himamaylan sila maga tenir.
Sa sini nga pamaagi sarang man maka bulig ang iban nga LGU sa mga apektado nga LGU.
Mangin responsibilidad naman sang LGU ang pag pasiguro nga plastado ang tanan lakip na ang pag evacuate enkaso nga may paglupok nga matabo.
Nagapanindugan man si Fernandez nga dapat maga pabilin nga hilway sa human activity ang 6km danger zone.
Natalana siya magsapol sa gobernador.