National Vaccination Days nga natalana sa bwas nga adlaw Disyembre 15 tubtob sa Disyembre 17 ang ginpaisol sa mga lugar nga ma apektuhan sang gina paabot nga bagyo.
Sa advisory nga gin pa gwa sang National Covid-19 Vaccination Operation Center ang naka schedule nga Bayanihan Bakunahan 2, sa onse ka mga rehiyon sa pungsod ang gin paisol sa Disyembre 20 tubtob 22. Nalakip na diri ang Region 6.
Ini bangud sang ginapaabot nga pagsulod sang tropical cyclone nga si Odette. Pero ang naka schedule nga pagbakuna sa Negros Occidental ang maga padayon.
Suno kay provincial administrator Rayfrando Diaz, maga sige ang pagbakuna labi na nga na padala na ang mga vaccines lakip na ang pag deploy sang mga teams. Suno kay Diaz ang indi lang madayon sa bwas nga adlaw sa ila nga pag bisita sa Negros Occidental amo kanday Tourism Sec Bernadette Puyat, Health Sec Francisco Duque, III, kag testing czar nga si Sec Vince Dizon. Magapadayon man ang regular nga pagbakuna sa Bacolod City.
Ang National Vaccination Days sini gin postpone sa Disyembre 20 tubtob 22.