Sa isa ka statement gin ako sang Rose Jean Pelle Command sang New People’s Army ang pagpatay sa anay tanod sa banwa sang Calatrava.
Suno kay Ka Cecil Estrella, ang spokesperson sang grupo, ila gina alegar nga asset sang AFP kag PNP ang biktima kag gin aksuar man ini bilang isa ka gunman gani gin silutan nila sang kamatayon.
Suno sa Calatrava PNP apat ka mga persona ang nagpatay sa anay tanod sa Barangay Minautok sang nagligad nga Biyernes.
Nakaangkon sang madamo nga igo sang bala sa ulo kag lawas si alyas “Momar” nga gintuna-an sang iya kamatayon, samtang ang iya hinablos nga si alyas “Rodel”, 22-anyos ang may pilas sa tiil.
Suno pa sa rebelde nga nakuha nila ang .45 caliber pistol sang biktima kag may yara pa sang iligal nga droga.
Ginsiling naman ni Police Capt. Jesus Alba, hepe sang Calatrava PNP, ginpa-arakan tiro sang mga armado ang biktima kag antes sila magpalagyo, ila ginkuha ang wallet sang biktima nga may unod nga P40,000 cash kag duha ka mga cellphones.
Nakuha sa crime ang mga fired cartridge sang caliber 5.56 nga ginagamit sa Armalite kag M16 rifles, pati na empty shells sang caliber .45.*
[sibwp_form id=1]