Matapos nga nagsapol ang Tourism Infrastructure and Enterprise Zone Authority ukon TIEZA sa Bacolod City Government sang tinalikdan nga semana, nagpasalig ini nga sila na mismo ang mapatukod sang power supply para sa BCGC Fountain.
Ini matapos nga nagpabutyag si Mayor Greg Gasataya nga wala na siya malipay sa construction sang TIEZA, ilabi na nga natukiban nga wala gali madala sa kontrata nga butangan power supply ang nasambit nga fountain.
Ginsiling ni Atty. Marty Go, Secretary to the Mayor, nga pangitaan na sang paagi sang TIEZA ang pagpatukod sang power supply.
Dugang niya, indi na masarangan sang existing nga power supply sang BCGC ang requirement sang fountain, rason nga kinahanglan may kaugalingon gid ini nga kuhaan sang suplay.
Naghatag man sang rekomendasyon ang City Engineer’s Office may angut sa required capacity sang amo nga power supply.
Nagpasalig man ang TIEZA nga sa Setyembre ukon Oktubre sini nga tuig, matapos na ang rehabilitation sang Bacolod City Public Plaza kag BCGC Fountain Area.
Sandig sa kontrata, sang Oktubre 2025 pa dapat natapos ang 300 million pesos nga proyekto.
“Pwedi na sila ka variation order. So if ang nakabutang sa kontrata, may ara sang variation, allowed na siya sa rules naton nga pwedi ka request ang contractor sa variation order, para maliwat. If there are additions or changes to be made sa project”, suno kay Go.*
[sibwp_form id=1]