May kaangtanan sa insureksyon ang pagpatay sa bana sang isa ka barangay kagawad sa Sitio Banquerohan, Brgy. Salamanca banwa sang Toboso, sang Martes.
Suno sa kay Police Major Jun Ray Batadlan ang hepe sang Toboso PNP, nakabaton na nga daan sang pagpamahog si Allan Macasling gikan sa wala makilala nga mga suspek nga gina alegar katapo sang New People’s Army.
Dugang pa ni Batadlan, ila ginalantaw nga personal ang motibo bangud gina-alegar supporter sang Local Task Force to End Local Communist Armed Conflict ukon LTF-ELCAC ang misis sang biktima nga isa ka kagawad.
Lima ka mga armado nga persona ang nagpatay sa biktima sa atubang mismo sang iya nga asawa.
Nagapadayon ang imbestigasyon sang kapulisan kag may yara na sila sang mga persons of interest sa amo nga kaso.