NPA gin panginwala ang nag luntad nga enkwentro sa tunga sang rebelde kag army. Duha ka napatay, ila gina alegar gin capture kag gin torture sang militar.
Sa isa ka press release, gin kundenar sang Apolinario Gatmaitan Command sang New Peoples Army ang ila gina kabig brutal nga pag patay sa duha ka NPA member nga sanday Florida Ceballos kag Wilfredo Fuentes.
Ang duha ka mga rebelde ang napatay sa enkwentro nga nag luntad sa tunga sang army kag npa sang martes sa Barangay Buenavista sa Himamaylan.
Pero suno sa rebelde nga grupo, indi matuod nga may nag luntad nga encounter kundi ila gin capture sanday Ceballos kag Fuentes nga na missing humalin pa sang Disyembre 8.
Ila pa gin alegar nga gin torture sang army kag gin salvage ang duha kag gin pa gwa lang nga may nag luntad nga enkwentro.
Gin pahayag naman ni Captain Kim Apitong, spokesperson sang 3rd Infantry Division nga lehitimo ang enkwentro nga natabo kag kabutigan lang ang pahayag sang rebelde nga grupo kag ini ang propaganda lang.