Sang 2019, may pito ka mga illegal drug group ang na-monitor sang Negros Occidental Police Provincial Office nga naga-operate sa Negros Occidental.
Pero ginsiling ni NOCPPO Spokesperson Police Captain Judesses Catalogo nga sa karon wala na sang nabilin nga drug group makaligad man sang masupog nga anti-illegal drug operation kag awareness campaign program.
Kalabanan sa mga lideres kag katapo sang drug group ang na-neutralize ukon nagkaladakpan na.
Gindugang ni Catalogo nga kun may nagapabilin man nga drug group nga naga-operate sa isla sang Negros, mahimo nga ini ang wala nabase sa probinsya sang Negros Occidental kag mga remnants ukon mga nanubli na lang sang iligal nga Negosyo.
Sa Bacolod, nagapabilin nga naga-operate ang katapo sang Caunda Drug Group nga amo na lamang ang nabilin nga illegal drug group sa siudad.