Ceremonial activitation sang PNP – Negros Island Region natalana sini nga Enero.
Ginahanda na sang Negros Occidental PNP ang Area Police Command -Visayas sa Camp Alfredo Montelibano, Sr. nga magaserbe nga temporaryo nga main headquarters sang Police Regional Office – NIR.
Ginsiling ni NOCPPO Spokesperson Police Captain Judesses Catalogo nga posible sa madasun nga sinemana patigayunon ang ceremonial activation sang PRO – NIR.
Wala pa sang pat-od nga plano para sa construction sang dugang nga mga infrastructure project para sa kapulisan sa NIR.
Pero ginapaabot ang recruitment sang dugang nga mga police personnel nga igatalana sa Negros Occidental, Negros Oriental kag Siquijor.
Antes pa na dissolve sadto ang NIR naka-plano na ang pagpatukod kuntani sang PNP Regional Headquarters sa ginaplano nga regional center sa Kabankalan City.
Pero sandig sa Republic Act 12000 ukon ang Act Establishing the Negros Island Region napatpat ang pagtalana sang mga regional offices sa specific provinces para mapasiguro nga mas mapahapos ang pagpalab-ot sang serbisyo sa pumuluyo.