Shadow

‘No plastic’ ordinance padayon nga gina sunod sa San Carlos

Kun mag siling ka mga merkado, mabudlay dulaon ang plastic pero nangin posible ini diri sa San Carlos City.

Kun mag bakal ka sang isda, papel ang gina gamit nga pang putos sa isda.

Suno sa mga market vendors sang una dahon ka saging ugaling naga ka out of stock. Kun newspaper naman, tuman ka nipis kag nagaka wasak. Gani ang ini nga brown paper ang ila gina gamit.

Nag sugod lang ini kuno sa pa contest sang siudad para mahaylo sadto ang mga vendors nga likawan na ang pag gamit sang plastic. Kag nangin kabahin na ini sang ila nga pang ginawi 2014 gin pasar sa konseho ang ini nga ordinansa kag padayon nga gina practice. Kutob sa mga commercial establishments, fastfood outlets kag vendors sa merkado ang indi na pwede maka gamit sang plastic cellophnes kag sando bags bilang packaging materials.

Pati ang mga utan, sa papel man gina sulod. Ang ini nga mga kalamunding naputos nabutang na nga daan sa papel.

Ang kada masugat-an mo nga naga panindahan net ang bitbit.

Sa meat section naman sang merkado… Papel man ang gina putos sa karne.

Pagka tapos putos sa papel… May gina bugnot na ang customer nga eco bag nga iya gina balon. Ini na ang abe ang kinaangdan nila sa pag panindahan.
Kag sa mga karinderya… Na anad na sila nga wala naga gamit sang plastic sa pag take out.

Ang ini nga babaye nga amon naabtan may dala nga kaugalingon nga balunan.

Sa sugod kuno namag-uhan man sila pero sa dalayon, kinaangdan na nila ang mag bitbit sang baluanan para magtake out. Masmatinlo pa ini gani kuno nga pang gawi

Nahangpan sang mga vendors nga ang ini tanan nga sakripisyo ang para man sa gihapon sa ila. Para mapa hagan hagan ang basura kag pagka barado sang mga kanal tuga sang plastic isa ini sa mga rason kun ngaa gin bansagan ang San Carlos City bilang Soaring Green City of Opportunities.

Leave a Reply

Your email address will not be published. Required fields are marked *

Secured By miniOrangeSecured By miniOrange