Senador JV Ejercito nga chairman sang Senate Committee on Local Government ang nag pasalig nga indi nila pag i-delay ang pag pasar sang Negros Island Region.
Suno kay Senator Ejercito, indi nila pag i-delay bangud siya kag si Senate President Juan Miguel Zubiri pareho nga author sang NIR bill sa senado. Ang duha ka mga senador ang pareho man nga may roots sa Negros. Sang Marso ang House of Representatives ang nag approve sang hagna nga naga duso sang pagtukod sang NIR nga naga lakip sang Negros Occidental kag Oriental kag Siquijor.
Ang senate version ang kinahahanglan man mapasar para ini ang ma submit kay Presidente Ferdinand Marcos, Jr., para sa approval man sang presidente. Sini lamang natapos sang NIR Technical Working Group sang senado ang ila nga trabaho kag ang Committee on local government report ang gina handa.
Suno kay Ejercito ang Siquijor ang wala nag participate kag sini lamang nag padala sila sang sulat nga naga siling nga luyag nila nga mangin kabahin sang NIR.