Sales sa bag-o lamang nagtakop nga Negros Trade Fair ang nagdangat sa 40.6 million pesos.
Nalapawan sini ang sales record sang nagligad nga tuig.
Ini suno kay Negros Occidental Governor Eugenio Jose Lacson nga nag siling man nga wala pa nalakip diri ang sales sa Domingo nga adlaw, ukon October 1.
Gani ini ang magasaka pa.
Sang 2022, 33.3 million pesos ang sales gikan sa Trade Fair kag ilakip ang booked sales nagdangat ini sa 39 million pesos suno kay Mary Ann Feria Colmenares ang vice chairperson sang Negros Trade Fair.
May 100 ka mga exhibitors ang nag pakigbahin sa amo nga trade fair nga ginpatigayon sa Glorietta 2 sa Makati City suno kay Lacson.
Suno sa gobernador, labi nila nga gina haylo ang mga producers nga dapat mangin innovative agudto nga maka tigayon naman tanyag sang bag-o nga mga produkto sa 2024 nga trade fair.
Pila sa mga nangin mabakal amo ang pagkaon, mga furniture kag mga crafts.
Samtang, nagsapol man si Lacson sa tagdumalahan sang Philippine Airlines kun sa diin gintalakay sini ang tuyo sang PAL nga sa mga flights para sa luwas, diri pa lamang sa Bacolod, iga coordinate na sang PAL ang pag-agi sang mga produkto sa Bureau of Customs agudto mangin sulhay na ang tanan.
Gin imbitar sila ni Lacson sa trade fair para man maka meet sa mga opisyales sang Association of Negros Producers.