P15 million nga gikan sa Quick Response Fund sang probinsya sang Negros Oriental ang gintalana para magbakal sang chemical nga systemic para mabuligan ang mga sugarcane farmers nga apektado sang RSSI.
Ini sandig sa pahayag ni Governor Manuel “Chaco” Sagarbarria nga ang amo nga tikang kabahin sang first wave nga ipatuman para ma aksyonan sang gilayon ang pag pang atake sang RSSI sa katubahan nga nag dangat na sa 5,000 hectares sa Negros Oriental.
Pag katapos nga mag hatag sang libre nga systemic chemical ang probinsya, ang mga sentral naman suno kay Sagarbarria ang maga salo kag maga hatag sang suporta sa mga mangunguma.
Paathag ni Sagarbarria ang tagsa ka LGU ang gina paabot man nga maghatag sang bulig.
Sa pihak nga bahin ang mga sugarcane farmers nga may yara sang lima ka ektariya kag paidalom ang maga baton sang bulig gikan sa Department of Social Welfare and Development nga P10,000 emergency cash assistance.
Sang Biyernes isa ka consultative meeting angut sa RSSI lakip na sa African Swine Fever ang gin patuman sang gobernador upod sa mga veterinarian, mga farmers, hog raisers, kag mga lokal nga opisyales.
[sibwp_form id=1]