Ginserbehan sang Land Transportation Office Negros Island Region sang show cause order ang Bacolod Transport and Traffic Management Department ukon BTTMD.
Ini matapos nga mag viral ang isa ka litrato online nga nakuhaan ang ginapatihan pag counterflow sang salakyan sang BTTMD.
Madasig nga na-identify sang LTO ang salakyan bangud sa government license plate kag may nakasulat nga BTTMD sa salakyan.
Sang Hulyo 24, ginserbe sang LTO ang show cause order kag ginbaton man ini sang staff sang BTTMD.
Padayon pa nga gina-usisa sang otoridad ang insidente samtang nagahulat pa ini sang sabat gikan sang ahensya.
Nagpasiguro ang LTO-NIR nga ang layi ang para sa tanan kag wala sang may makaluwas diri bisan pa ang yara sa gobyerno.
Ang BTTMD ang natalana nga magpagwa sang ila official statement bahin sa sini nga insidente.
[sibwp_form id=1]