Masobra 400,000 sa 1.8 million nga target mabakunahan sang Negros Occidental ang tigayon nga nadapatan sang Covid – 19 vaccines.
As of October 25, 419,822 ang nabakunahan sang Negros Occidental kag gina lauman nga ini ang magasaka pa sa pagsulod sang mga reports gikan sa mga banwa kag siudad.
Paathag ni provincial administrator Rayfrando Diaz, kun nag gwa man sa report nga ang Negros Occidental sa Western Visayas ang may pinakamadamo nga wala pa mabakunahan ini bangud daku man ang lalab-uton ukon ang target sang Negros Occidental. Dapat ibutang sa context ang report.
Ini man ang rason suno kay Diaz kun ngaa bahin sa pinaka madamo nga nabakunahan naga pangduha man ang probinsya. Indi on target ang Negros Occidental kag isa sa mga rason suno kay Diaz kay ulihi na man lang nag abot ang mga dalagko nga volume sang bakuna kag nagahulat man lamang sa kun ano ang ipadala sang national government.
Subong padayon ang rollout sang Moderna vaccines nga isa sa mga bakuna nga nag abot nga may daku nga volume.