Base sa record sang Police Regional Office 6, halin Agosto 29 tubtob Setyembre 11, naglab-ot na sa 27 ang mga naglapas sa comelec gun ban sa Western Visayas.
Sa 27 nga na record, ang probinsiya sang Negros Occidental ang may pinakamadamo nga nagadangat sa walo; ginasundan sang probinsiya sang Iloilo nga may lima; kag tig-apat naman ang probinsiya sang Capiz kag ciudad sang Iloilo.
Samtang may tatlo naman nga violators sa Bacolod, duha sa Aklan kag isa ang nadakpan sang Regional Mobile Force Battalion.
Nakuha sa mga violators ang 21 ka mga armas kag 11 ka deadly weapon.