Nasapwan na lamang nga patay na ang isa ka lalaki nga ginapatihan nahulog sa kanal upod ang iya motorskilo sa Barangay Linao, sIudad sang Kabankalan, alas 2:00 sang hapon kahapon.
Ang biktima ginkilala kay Bryan Caberera, 24 anyos kag residente sang Purok Sunshine, Barangay Salong, sa amo man nga siudad.
Sa imbestigasyon sang Kabankalan City Police Station, ang biktima ang ginpa-blotter sang iya pamilya nga missing sa ila nga Barangay bangod humalin sang Sabado pa ini nga wala makapauli sa ila nga balay.
Suno sa kay Police Lt. Col. John Joel Batusbatusan, hepe sang Kabankalan PNP, posible nga papauli na ang biktima sang mahulog ini. Ila pa nga ginahibalo kun diin siya naghalin antes nahulog sa talamnan.
ginahulat na lang sa karon sang Kabankalan PNP ang resulta sang postmortem examination sa bangkay para mahibaluan kun ano ang iya nga gin kamatay.