Shadow

Negros Occidental may 635 na ka mga active cases sang COVID-19

Active COVID-19 cases sang Negros Occidental ang nagdangat na sa karon sa 635 as of April 7 nga report sang Provincial Incident Management Team.

Angut diri nag pa gwa sang executive order si Negros Occidental Governor Eugenio Jose Lacson sini nga hapon nga naga mando sang pag limit sang mass gathering sa 30 percent sang venue capacity.

Suno kay Lacson klaro nga ang naga katabo subong second wave sang local transmission sa Negros Occidental.

Sang nagligad nga tuig ang pinaka taas nga na record nga kadamuon sang active covid 19 cases nagdangat sa 1683. Kuntani suno kay Lacson indi na maglab ot subong sa amo nga kadamuon.

Yara na sa tagsa ka alkalde sang banwa kag siudad ang mag assess sang sitwasyon kag magpatuman sang localized kag targeetted lockdown sa mga lugar nga may pag timbuok sa kaso.

Dugang pa ni Lacson nga mas maayo kun makapatuman anay sang temporaryo nga pagsira sa mga leisure areas ang mga banwa kag siudad para malikawan ang paglapta sang virus.

May pila na ka mga lgu nga nagpatuman sini ang pinaka ulihi amo ang siudad sang San Carlos nga nag mando sang pag sira anay sang mga resorts sa siudad.

Suno kay Lacson ginhaylo man kuntani ang pagbalik sang lokal nga turismo pero daku ang pagpanghangkat karon sa liwat nga pagsaka sang kaso. Pero suno kay Lacson isa sa mga obserbasyon amo nga mild ukon indi tuman ang pag igo sa mga positive. Wala pa man ginreport nga napuno na ang mga quarantine facilities.

Samtang, sa mga maga biyahe abiso ni Lacson, sarang sila nga maka pa swab sa ila nga pag abot sa probinsya. Mahimo nga indi na mag pakita sang negative RT PCR test result ang naga biyahe basta iga indicate lamang sa spass nga sa probinsya sila maga pa swab kag quarantine sa ila nga pag abot. Ini ang libre.

Wala sa gihapon naka sabat ang national IATF sa hinyo sang Negros Occidental nga mangin mandatory ang swabbing sa tanan nga maga sulod sa probinsya gikan sa lugar sagwa sang Western Visayas.

Leave a Reply

Your email address will not be published. Required fields are marked *

Secured By miniOrangeSecured By miniOrange