Shadow

Mayor Leonardia ginsapul ang tanan nga sector angut sa nagasaka nga kaso sang COVID-19

Mga opisyales sang Bacolod ang nagsapul sa nagkalain-lain nga mga sektor para maghinyo sang bulig para mapanubo ang mga kaso sang COVID-19 sa siudad.

Humalin sang Lunes ang pagsapul ni Bacolod Mayor Evelio Leonardia kaupod sa iban nga mga opisyales sang siudad kaupod ang nagkalain-lain nga sektor kun sa diin ginpakita sa ila ang nagasaka nga mga kaso sang COVID-19.

Isa sa mga ginsugilanon sang alkalde amo si Bacolod Bishop Patricio Buzon nga nagpabutyag sang suporta gikan sa Diocese of Bacolod.

Ginsapul man sang mga opisyales ang mga tag-iya sang restaurants, hotel management, mga call centers kag pati ang transport sector.

Sila ang ginpahanumdum nga mangin estrikto sa pagsunod sang minimum health protocols sa ila tagsa ka mga empleyado kag miembro.

Isa man ka virtual meeting ang ginpatigayon sang siudad sa mga opisyales sang barangay para ipahanumdum sa ila nga liwat nga mangin estrikto sa pagpatuman sang health protocols.

Suno kay Vice Mayor El Cid Familiaran, kinahanglan nga magbuligay ang tanan nga sektor para mapunggan ang pagdamo liwat sang COVID-19.

Leave a Reply

Your email address will not be published. Required fields are marked *

Secured By miniOrangeSecured By miniOrange