Shadow

2 ka mga barangay sa Ilog gin lockdown

Masobra sa mil tres sientos ka mga pamilya ang apektado sang lockdown sa duha ka mga barangay sa banwa sang Ilog.

Subong nga adlaw, gin lockdown sang banwa ang Barangay Galicia kun sa diin 1,095 ka pamilya ang apektado. Suno sa municipal health officer sang Ilog nga si Dr Bien Eli Nillos pito ang nag positive sa COVID-19 sa barangay. Padayon subong ang contact tracing kag swabbing.

Sang Domingo gin lockdown man ang Barangay Consuelo kun sa diin 254 ka mga pamilya ang apektado. Walo ang nag positibo sa amo nga barangay.

Sa karon may 36 ka active cases ang banwa.

Ang pagtimbuok nag gikan sa kaso sang mga nagpositibo sa virus nga nag tambong sa bulang sa andulaoan sadtong Marso 20.

Suno kay Nillos, kalabanan sa 36 ka active cases subong mga primary ukon secondary contacts sang mga nagpositibo nga nagtambong sa bulang.

Secured By miniOrangeSecured By miniOrange