Probinsya sang Negros Occidental ang maga sugod naman baligya sang P20 kada kilo nga bugas sini nga weekend kaupod ang grupo sang mga farmer-irrigators.
Suno kay Governor Eugenio Jose Lacson sa weekend sa banwa sang Pulupandan suguran sang probinsya paagi sa Federation of Irrigators’ Association Central Negros – Bago River Irrigation System ukon FIACN-BRIS, ang pagbaligya sang P20 kada kilo nga bugas.
Limitado ni sa 50 tanan ka sako sang bugas para sa bilog nga nga bulan.
Ini ang kabahin sang participation sang probinsya sa ginaduso nga barato nga bugas sang Marcos Administration samtang padayon pa nga gina plastar ang programa nga ginaduso kaupod ang Food Terminal Incorporated, National Food Authority kag LGU.
Suno kay Lacson sila ang naga hulat sa NFA bahin sa availability sang bugas gani una na anay nga magabaligya paagi sa FIACN-BRIS ang Negros Occidental.
Ang probinsya ang naga bulig na sadto pa sa FIACN -BRIS kaangay sa kagastuhanan sa labor, rason nga tigayon ang grupo maka baligya sang barato nga bugas.
Maka pila ka bases na sadto nag baligya ang FIACN-BRIS sang tig 25 pesos nga kada kilo sang bugas, kag subong ila nga gin papanaog pa gid sa P20 ang kilo.