Shadow

Negros Occidental isa sa mga Galing Pook awardee subong nga 2021

YouTube player

Sang kahapon ginpatigayon ang awarding kag ang Network Alliances for Coastal Wetlands Conservation ang nangin kabangdanan kun ngaa nangin awardee ang Negros Occidental.

Sa sini programa, gina tagaan sang pagtamod ang pag halong sa mga wetland kag marine resources nga community based ang approach. Gin suguran ini sang 2015.

Ini ang kabahin sang RAMSAR sites ukon ang mga wetlands nga gina halongan kay ilistaran sang mga pispis sa baybayon. May national treaty para sa conservation kag sustainable nga pag gamit sang wetlands kasubong sang coastal areas kag swamps.

Napulo ka mga lgu ang kabahin sang network halin sa Bago City pakadto sa banwa sang Ilog nga may 52 ka mga barangay, peoples organization, fisheries and aquatic resources management councils, kag ginatos ka mga envorinmental law enforcers.

Suno sa kay Negros Occidental Governor Eugenio Jose Lacson mismo ang mga pumuluyo sa sini nga mga lugar ang naga tipig sa ila nga mga lugar kag pinaagi sini nahatag pa sila sang dugang nga income.

Bangud sini nabuhinan ang kadamuon sang kaso sang pagpangutod sang mangroves.

Ang Negros Occidental lang ang may ramsar site nga community based ang pag halong sini.

Ginpasalamatan sang gobernador ang Galing Pook sa pag hatag sang pagtamod sang organisasyon sa gina himo sang probinsya ilabi na nga ika lima na ini nga anibersaryo sang pag declare sang Coastal Wetlands sang Negros Occidental bilang RAMSAR site.

Secured By miniOrangeSecured By miniOrange