Napaidalom man sa Alert Level 3 ang Bacolod City kag naga pabilin sa Alert Level 2 ang Negros Occidental, wala sang restriction sa border nga ipatuman ang probinsya.
Suno kay provincial administrator Rayfrando Diaz mangin impractical para sa probinsya ang mag patuman sang border restriction sa Bacolod bisan pa nga sa executive order damlag pa sang gobernador, ginahinyo ang negative RT PCR test result sa mga magasulod sa Negros Occidental nga gikan sa mga lugar sa idalom sang Alert Level 3.
Luyag sang probinsya nga mapabilin nga masulhay ang pag gwa sulod sa mga banwa kag siudad kag Bacolod City.
Sumugod Enero 14, ipatuman ang bag-o nga alert classification nga gin pa gwa sang National Inter-Agency Task Force kun sa diin ang Bacolod napaidalom sa Alert Level 3.
Suno kay Diaz bisan pa sadto nga lain lain ang community quarantine status sang Negros Occidental kag Bacolod wala man gani sang may ginpatuman nga border restrictions.
Kun mag lab-ot man sa sitwasyon nga may mga lgu sa probinsya nga luyag maghinyo sa mga maga pina-ulihi sini nga residente gikan sa Bacolod sang negative RT PCR test sarang man ini nga mapatuman.
Sa karon ang importante nga padayon mapatuman ang testing, ilabi na ang nagakatabo sa Bacolod naga apekto man sa mga kabanwahanan kag siudad sa probinsya.
Padayon naman ang biyahe sang mga bus sa Negros Oriental kag Occidental. Nagapabilin sa Alert level 2 ang Negros Oriental. Ang mga pasahero gikan sa Cebu City nga karon yara na sa Alert level 3 ang malakip sa pangayuan sang negative RT PCR test result.